Li van çol û van beyaran, em in nenas û bêkes
Her rêzan û rênîşanê, vê civakê her dem tuyî.
Li nav hov û van kûviyan, tenha mam im ez îro
Piştevan û destegîrê m’her dem û çax dîsa tuyî
Tuyî serdarê ometê, tuyî serwerê cîhanê
Ji bo heyber û hebûnan, nav û nîşan her dem tuyî
Rêber tuyî, serdar tuyî, pêşengê min her dem tuyî
Zana tuyî, danas tuyî, mamostê min her dem tuyî
Taca seran, eşqa dilan, stargehî j’bo mezlûman
Tuyî qasidê Xweda y’min, pêxemberê m’her dem tuyî
Şeng û şahî rêka te ye, tuyî asoyê rehmetê
Bê te cîhan şevtarî ye, rohnîdarê m’her dem tuyî
Li asoyan wek tav hilat, bi te şa bûn hemû welat
Bûn asûde w’tev hêwirîn, xemrevînê m’her dem tuyî
Tîrejên ku ji te derhat, rewneq veda l’şar û kelat
Tuyî mizgîn, tuyî xelat, doz û daxwaz her dem tuyî
Mizgîndarî j’bo mirovan, parêzvanê dad û maf î
Nimûneya dilovanyê, mehdervanê m’her dem tuyî
Dilê tije b’kul û keser, li hawîrdor bibû heder
Tu bûy bijîşk û şîfadar, da û derman her dem tuyî
Bê te dilê m’jar û xemsar, her bedbîn û sîtemxwarim
Lê min bawer heye her dem, hêvî w’biryar her dem tuyî
Şagirdên te, şerwanên te, hemû bi nav û bi deng in
Rengareng e ometa te, boyaxkarê m’her dem tuyî
Rohnî l’dinê te belav kir, li bindestan te çav vekir
Ê d’xewê de te hişyar kir, her qaîd û pêşber tuyî
Reben, pepûk û belengaz, kesên bêkes, jar û lawaz
Bi yek dengî dikir awaz, bersivdanê wan her tuyî
Hemû pêxwaz û belengaz, jar û xizan kesên lawaz
Ji Xwedê b’lava û daxwaz, mehdervanê wan her tuyî
Ên ku zordar û sîtemkar, ên ku kedxwar û xwînxwar
Te ew ji jor tev anîn xar, şoreşvanê dadmend tuyî
Kes û civak, mal û malbat hemû êl û xizm û ezbat
Digel nûra b’te re hîlhat, aştîsazker her dem tuyî
Çi keç û jin, kole w’nezan, te hişyarkir ew tev rabûn
Yekser rizgar û azad bûn, piştevan û destek tuyî
Mirin heye, nîne veger, disojînim can û ceger
Her asûde w’aramya me,
fêrhatim ku meger tuyî
Qîrînan bindestên cîhan, hilkişiya banê gerdûn
Kom u girsê gelên zebûn, îro l’ bende w’hêviya teye
Em her û her li pey te nin, şopajotên doza te nin
Cangorî û pakrewanin, her armanc û mebest tuyî
Yunus Amedî/2010
Hiç yorum yok:
Yorum Gönder